|
|
|
|
 |
|
|
|
|
 |
21.01.2012 |
| 21.01.2012 |
| Það var fallegt veður í dag, loksins. Eftir hefðbundinn snjómokstur var um að gera að nýta færið........ |
|
| Nánar » |
|
|
 |
14.12.2011 |
| 14.12.2011 - Tekið á gjöf |
| Sóttum í gær 16 tryppi að Hömrum, þeim þarf að fara að hygla. Í dag var svo farið í Mosfell og tínt á kerruna ýmislegt sem nokkuð er ætlað með í vetur, og við viljum alls ekki að gefi sig í þessum harðindum. |
|
| Nánar » |
|
|
 |
15.11.2011 |
| 13.11.2011 - Folaldasýning Goða |
| Hin árlega folaldasýning Hrossaræktarfélagsins Goða var haldin á sunnudaginn í Hólmarshöll á Minniborg. Fólk dreif að úr öllum áttum með folöldin sín, en félagssvæði Goða er Grímsnes, Grafningur, Þingvallasveit og Laugardalur - svo vitnað sé til hinnar gömlu hreppaskiptingar - enda halda þessi gömlu svæða- og sveitaheiti að fullu gildi sínu, þótt stjórnsýslueiningarnar séu nú aðrar. Það var fátt sem tafði för í þessari himinblíðu, þótt vetur eigi að heita genginn í garð - raunar má segja, á þessari blessuðu tíð, að oftast sé vel brúklegt vorveður................ |
|
| Nánar » |
|
|
 |
10.11.2011 |
| 10.11.2011 |
| Það er orðið æði langt síðan eitthvað var að frétta héðan, að því er virðist. Og það er best að byrja þá á stórfrétt, þótt ýmsum kunni að virðast að komi tamningum og hestamennsku lítt við. Það er sumsé verið að leggja hitaveitu heim að Þóroddsstöðum, og sér þannig fyrir endann á meira en tuttugu ára baráttu. Ég veit ekki hvort nokkur utanaðkomandi getur gert sér grein fyrir þýðingu þessa framtaks fyrir búsetuna hér á bæ - og þar með raunar framtíð áður áminnstrar starfsemi sem hér hefur verið rekin undanfarna áratugi. Gunnlaugur dýralæknir sagði við mig í gær, að hann teldi engum vorkunn að búa, ef byggi við hitaveitu - hitt væri auðvitað ekki vinnandi vegur. Að þessu sögðu taldi ég okkur nokkuð góð, að hafa þó baslast þetta hingað til, skjögrandi undir drápsklyfjum rafmagnsins............................ |
|
| Nánar » |
|
|
 |
14.10.2011 |
| Enn af tamningum |
| Sóttum á þriðjudaginn þrjá graðfola upp í Efstadal. Lýður er 3ja vetra glæsifoli undan Aroni og Klukku. Hann var aðeins fortaminn í vor, og verður nú brátt járnaður og látið reyna á hvort hann lofi ekki fremur góðu, eins og okkur hefur fundist. Funi er tveggja vetra, undan Þresti frá Hvammi og Hæru, Gustsdóttur frá Hóli og Hlakkar. Það er þegar farið að venja Funa við, þótt ungur sé - hann er stór og þroskaður og ansi hreint fallegur........ |
|
| Nánar » |
|
|
 |
23.09.2011 |
| 23.09.2011 - Af tamningum |
| Birkir og Bryndís komu í dag að taka út og sækja tvær hryssur, sem verið hafa í mánaðarlangri tamningu hjá Bjarna. Þær eru alsystur, undan Þóroddi og Stör, rauðstjörnóttar myndarhryssur, skortir þó prúðleika (ennistopp). Það er frábært upplag í þessum hryssum, geðslag, vilji og ganghæfni til fyrirmyndar. Járnalausar á túninu tölta þær tárhreint og fyrirhafnarlaust, grípa svolítið í brokk. Það verður gaman að sjá til þeirra í vetur spái ég, þegar búið verður að járna þær og færið orðið gott. |
|
| Nánar » |
|
|
|
|
|
